My applause to sign waver

  • By admin
  • October 9, 2013
  • Comments Off on My applause to sign waver

sign waver-small

香港夏天三十幾度, 天文台間中都會發出酷熱天氣警告, 喺德州, 6-8月係炎夏, 下午溫度可以升高至華氏100度 (攝氏37度) 以上 , 加埋個太陽晒到正, 真係熱到跳舞。於是,   大部份人返工的, 就躲在公司涼冷氣, 唔駛返工的, 留喺屋企就唔會熱親, 喺呢個時候, 我就最佩服果班要喺戶外工作嘅工友們。試諗吓, 咁鬼熱, 單係企喺無遮無掩的街道上, 已經熱到汗流浹背, 再加上體力勞動的話, 苦處可想而知; 就好似廣告舉牌員咁 (Sign Waver or Sign Spinner), 佢哋嘅工作好簡單, 只要不停舞動手上的廣告牌,  吸引路人或司機, 為商戶招攬生意便成; 曾經有一日成一百零幾度, 我見過一個上咗年紀的舉牌呀伯, 可能已經舞咗一段時間, 已經累到擠不出一點笑容, 加上路邊不斷有車經過, 排出來的死氣, 令本來已經辛苦嘅工作更加難頂,  但佢依然敬業樂業地繼續揮牌, 佩服佩服! 今日見到呢個後生仔, 佢戴住個headphone, 跟住拍子, 邊fing牌, 邊跳舞, 成功吸引我的注意力之餘, 更令我有感而發:  這份工話難唔難, 話易唔易, 但只要你肯做, 一樣可以靠自己搵到食;  果啲有手有腳郤終日坐喺屋企自怨自艾嘅後生仔, 應該向佢哋好好學習。

Categories: 生活在美國, 雜談

Comments are closed.