香港探親手記 – 第一篇: 的士九流服務

  • By admin
  • April 4, 2015
  • Comments Off on 香港探親手記 – 第一篇: 的士九流服務

香港的士九流服務坐了十七個小時飛機, 終於返到香港了!! 懷着興奮心情過了海關, 我和女兒拖著幾個大旅行喼, 如果要到樓下乘的士會很吃力, 反而機場快線就在離境大堂對面, 我們不消幾分鐘已經上了車, 乘一個站到青衣才轉的士吧。

每位60港元, 兩位有七五折只需共90元, 坐了十幾分鐘港鐵便到了青衣, 在那裏的士站排頭位的司機大哥見我們左拖右拉, 滿心歡喜的下車準備迎接他心目中以為的長途客, 誰知一聽到目的地竟然是不跳錶的鄰近屋邨, 面色即時轉沉, 雙手交疊在胸前, 站在車邊看著這兩女子把行李搬進車尾箱, 不幫手之餘還命令我們要把大件放底, 細件放面, 手忙腳亂之際, 我跟他說那件小的放在車箱內便成, 他不屑地說:「放車箱內我要收行李費。」我回了一句:「知你會啦, 我無打算唔比, 怕你個尾箱唔夠大夾扁個喼啫!」如果不是太累又多行李, 我已經送他一隻中指然後掉頭就走, 唉, 忍一下吧, 還有幾分鐘就到家, 省點氣算了,  這是接下來的對話:

我: 「長發邨XX樓唔該。」

的士佬:  「點知喺邊呀?」

我真的想摑他兩巴掌, 還好之前在香港有開車, 沒有被他難到:「去北橋迴旋處再教你啦, 我朋友都揸的士, 支旗係短, 但你都唔駛咁丫, 如果唔係咁多行李, 我行路過去啦!。」

的士佬 (可能開始知衰) : 「你唔知喇, 有啲人兩手空空都搭咁短程, 好仆街㗎, 我唔係話你!」然後把車轉了入一條捷徑。

我:  「哦, 原來你識路, 仲以為你係港島車, 唔熟青衣添!」

的士佬 : 「你估我係電腦咩!」然後郤又熟練地轉到目的地附近

我手指指: 「呢, 嗰一座就係。」

的士佬 : 「我知啦!」

停了車, 今次他主動把行李卸下, 22元起錶,  三件行李他只收了兩件錢, 每件5元, 合計32元, 付了車費 , 我希望再也不要遇到他, 心裏暗忖, 難道這就是今時今日的香港?

續下篇 …

Categories: 雜談

Comments are closed.